હળવદ તાલુકાના રણછોડગઢ ગામની સીમમા આવેલ વાડીની ઓરડીમાં જુગાર રમતા સાત ઇસમોને રોકડા રૂપીયા-૫,૨૦,૦૦૦/- ના મુદામાલ સાથે મોરબી ક્રાઈમ બ્રાંચે ઝડપી પાડયા છે.
મોરબી એલ.સી.બી. પોલીસને બાતમી મળેલ કે, આશિષભાઇ ઇશ્વરભાઇ પટેલ રહે. સમલી, તા. હળવદ જિ. મોરબી વાળા પોતાના કબ્જા ભોગવટા વાળી હળવદ તાલુકાના રણછોડગઢ ગામની ટોબંધ તરીકે ઓળખાતી સીમની વાડીની ઓરડીમાં બહારથી માણસો બોલાવી ગેરકાયદેસર રીતે ગંજીપતા વડે પૈસાની હારજીતનો તીન પતીનો રોન પોલીસનો જુગાર રમી રમાડી સાધન સગવડ પુરી પાડી તેની અવેજમાં પોતાના અંગત ફાયદા સારૂ નાલ ઉઘરાવી જુગારનો અખાડો ચલાવે છે. જે બાતમીના આધારે હળવદ તાલુકાના રણછોડગામની સીમમાં આવેલ વાડીની ઓરડીમાં રેઇડ કરતા સાત ઇસમો આશિષભાઇ ઇશ્વરભાઇ પટેલ રહે. સમલી તા. હળવદ જિ. મોરબી, કેતન રતિલાભાઇ પટેલ રહે. ટુ, હરીનગર સોસાયટી, તા.જી. મોરબી, અશોકભાઇ નરભેરામભાઇ પટેલ રહે. ધુંટુ, હરીનગર સોસાયટી, તા.જી, મોરબી, કિશોરભાઇ રામજીભાઇ પટેલ રહે. મહેન્દ્રગર, પટેલનગર સોસાયટી, તા.જી. મોરબી, જયદિપભાઇ મનજીભાઇ પટેલ રહે. મહેન્દ્રનગર,ધર્મમંગલ સોસાયટી, તા.જી. મોરબી, જયતિભાઇ હરદાસભાઇ પટેલ રહે. ઘંટુ, હરીનગર સોસાયટી, તા.જી. મોરબી, હરેશભાઇ દામજીભાલ પટેલ રહે. ઘેટુ, હરીનગર સોસાયટી, તા.જી. મોરબી વાળાને રોકડ રૂ.૫,૨૦,૦૦૦/- ના મુદ્દામાલ સાથે ઝડપી પાડી તમામ ઇસમો વિરૂધ્ધ જુગાર ધારા કલમ-૪,૫ મુજબ હળવદ પોલીસ સ્ટેશનમાં ગુનો રજીસ્ટર કરાવેલ છે.
