સહોદય સૌરાષ્ટ્ર એથ્લેટિક મીટ 2023 સૈનિક સ્કૂલ બાલચડી જામનગર ખાતે યોજાઈ હતી જેમાં 8 જિલ્લાના 500 થી વધુ ખેલાડીઓએ ભાગ લીધો હતો. મોરબી જિલ્લામાંથી દિલ્હી વર્લ્ડ પબ્લિક સ્કૂલે ભાગ લઈ જુનિયર ઓવરઓલ જુનિયર ચેમ્પિયનશિપ પર કબજો કર્યો હતો.
લેફ્ટનન્ટ કર્નલ શ્રી મહેતાએ તમામ ખેલાડીઓ અને તેમના મુલાકાતી કોચની પ્રશંસા કરી અને ખેલાડીઓને જીવનમાં હંમેશા સ્વસ્થ અને આજ્ઞાકારી રહેવાનો મંત્ર આપ્યો. સહોદય સૌરાષ્ટ્ર એથ્લેટિક મીટ કે જેમાં મોરબી જીલ્લામાંથી દિલ્હી વર્લ્ડ પબ્લિક સ્કૂલની માત્ર 28 સભ્યોની એથ્લેટીક ટીમે ભાગ લીધો હતો અને 6 ગોલ્ડ, 4 સિલ્વર અને 10 બ્રોન્ઝ સહિત કુલ 16 મેડલ મેળવીને જુનિયર ચેમ્પિયનશીપ પર કબ્જો જમાવ્યો હોવાનું જાણવા મળે છે. જેમાં મયંક એરી, નીરભી ચૌધરી, જીતેન્દ્ર ચૌધરી, રાઘવ જાદૌન, યુવીએ ગોલ્ડ મેડલ મેળવ્યા હતા.
ક્રિશા આઘારા, નેત્રા તુલસીદાસ, શાંતનુ સૈની, શાંભવી ઠાકુર, રાઘવ જાદૌન અને રિલેમાં સિલ્વર મેડલ જ્યારે ફોરમ દેદેહી, રૌનક કુમાર, રાઘવ અને રિલેમાં બ્રોન્ઝ મેડલ મેળવ્યો હતો. એવોર્ડ વિતરણ સમારોહમાં લેફ્ટનન્ટ કર્નલ શ્રી મહેતાએ મોરબીની દિલ્હી વર્લ્ડ પબ્લિક સ્કૂલના ખેલાડી જીતેન્દ્ર ચૌધરીને બેસ્ટ એથ્લેટની ટ્રોફી આપી હતી.
અંતમાં એથ્લેટ મીટના સંયોજકો માસ્ટર હરપાલ અને માસ્ટર મનોજે પધારેલા તમામ ખેલાડીઓ અને તેમના કોચનો આભાર વ્યક્ત કર્યો હતો અને ખેલાડીઓને તેમના ઉત્કૃષ્ટ પ્રદર્શન માટે શુભેચ્છા પાઠવી હતી.
જુનિયર ઓવરઓલ ચેમ્પિયનશિપ જીત્યા બાદ દિલ્હી વર્લ્ડ પબ્લિક સ્કૂલના મુખ્ય કોચ અલી ખાને મીડિયા સાથે વાત કરતાં જીતેલા અને આ વખતે મેડલ ન જીતી શક્યા તમામ ખેલાડીઓને અભિનંદન અને શુભેચ્છા પાઠવી હતી.
