મોરબીની નવયુગ ગ્રુપ ઓફ કોલેજ માટે ગૌરવ અને આનંદની ક્ષણ સર્જાઈ છે. કોલેજના BBA વિભાગમાં અભ્યાસ કરતી પ્રતિભાશાળી વિદ્યાર્થીની જાનવી ચેતનભાઈ સીતાપરાએ દેહરાદૂન (ઉત્તરાખંડ) ખાતે યોજાયેલી 13મી નેશનલ આઈસ સ્ટોક ચેમ્પિયનશિપ–2026માં શાનદાર પ્રદર્શન કરી ફર્સ્ટ રેન્ક સાથે ગોલ્ડ મેડલ પ્રાપ્ત કર્યો છે.
જાનવીની આ ઐતિહાસિક સિદ્ધિ માત્ર તેમના પરિવાર માટે જ નહીં પરંતુ સમગ્ર નવયુગ કોલેજ તેમજ મોરબી શહેર માટે ગૌરવનો વિષય બની છે. પોતાની અવિરત મહેનત, આત્મવિશ્વાસ અને દૃઢ સંકલ્પના બળ પર તેમણે રાષ્ટ્રીય સ્તરે પોતાની આગવી ઓળખ ઉભી કરી છે.
રમતગમત ક્ષેત્રે પ્રાપ્ત કરેલી આ સફળતા એ સાબિત કરે છે કે યોગ્ય માર્ગદર્શન, સતત પ્રયત્નો અને મક્કમ ઈચ્છાશક્તિ દ્વારા વિદ્યાર્થીઓ કોઈપણ મંચ પર સફળતા મેળવી શકે છે. જાનવી સીતાપરાની આ સિદ્ધિ આજે યુવાનો અને વિદ્યાર્થીઓ માટે પ્રેરણાસ્ત્રોત સમાન બની છે.
નવયુગ ગ્રુપ ઓફ કોલેજ હંમેશાં વિદ્યાર્થીઓના શૈક્ષણિક તેમજ સર્વાંગી વિકાસ માટે પ્રતિબદ્ધ રહ્યું છે. સંસ્થા દ્વારા આપવામાં આવતા માર્ગદર્શન અને પ્રોત્સાહનના પરિણામે વિદ્યાર્થીઓ આજે રાષ્ટ્રીય સ્તરે પોતાની પ્રતિભાનો પરિચય આપી રહ્યા છે.
આ પ્રસંગે કોલેજના પ્રિન્સિપાલ નિલેશભાઈ મીરાણી તેમજ સંસ્થા પ્રમુખ પી.ડી. કાંજીયા અને મેનેજિંગ ટ્રસ્ટી બળદેવભાઈ સરસાવડીયાએ જાનવીને હાર્દિક અભિનંદન પાઠવ્યા હતા અને તેમના ઉજ્જવળ ભવિષ્ય માટે શુભેચ્છાઓ વ્યક્ત કરી હતી.
તેમણે જણાવ્યું હતું કે આવી ગૌરવભરી સિદ્ધિઓ અન્ય વિદ્યાર્થીઓને પણ નવી પ્રેરણા અને આત્મવિશ્વાસ આપે છે, જેથી ભવિષ્યમાં વધુ વિદ્યાર્થીઓ રાષ્ટ્રીય તથા આંતરરાષ્ટ્રીય સ્તરે સફળતા પ્રાપ્ત કરે તેવા પ્રયાસો સંસ્થા સતત કરતી રહેશે.
જાનવી ચેતનભાઈ સીતાપરાને આ અદભૂત સિદ્ધિ બદલ ખૂબ ખૂબ અભિનંદન તથા તેમની ઉજ્જવળ કારકિર્દી માટે હાર્દિક શુભેચ્છાઓ પાઠવવામાં આવી છે.
