મુસ્કાન વેલ્ફેર સોસાયટી, મોરબી દ્વારા સ્થાનિક પત્રકારોના સમાજ પ્રત્યેના અમૂલ્ય યોગદાનને બિરદાવવા *”પત્રકાર સન્માન સમારોહ”* નું સફળ આયોજન કરવામાં આવ્યું.
કાર્યક્રમમાં ઉપસ્થિત તમામ પત્રકારશ્રીઓનું સ્મૃતિ ચિન્હ અર્પણ કરીને સન્માન કરવામાં આવ્યું. મુસ્કાન વેલફેર સોસાયટીના સદસ્યોએ જણાવ્યું હતું કે પત્રકારો સમાજનો સશક્ત અવાજ છે, જે નિષ્ઠાપૂર્વક સત્યને લોકો સુધી પહોંચાડીને લોકશાહી અને સમાજને વધુ મજબૂત બનાવવામાં મહત્વપૂર્ણ ભૂમિકા ભજવે છે.
સમારોહ દરમિયાન હૃદયપૂર્ણ અને આનંદમય વાતાવરણ વચ્ચે મહેમાનો સાથે આત્મીય સંવાદ યોજાયો હતો. ઉપસ્થિત પત્રકારમિત્રો અને મુસ્કાન પરિવારના સભ્યોએ કાર્યક્રમની પ્રશંસા કરી અને આવા પ્રેરણાદાયી કાર્યક્રમો સમાજમાં સકારાત્મક સંદેશ ફેલાવે છે તેવી લાગણી વ્યક્ત કરી.
કાર્યક્રમના અંતે સૌએ સહભોજનનો લાભ લીધો અને એકબીજાનો આભાર વ્યક્ત કરીને કાર્યક્રમનું સફળ સમાપન થયું.
