ખોટા દસ્તાવેજો આધારે બનાવટી પેઢી ઉભી કરી અલગ-અલગ બેંકોમા ખાતા ખોલાવી મોરબીના વેપારી સાથે આંતરરાષ્ટ્રીય વેપાર (એકસપોર્ટ) કરવાની લલચામણી અને લોભામણી સ્કીમો બતાવી લાખોની ઠગાઇ કરતી વિદેશી ટોળકીના બે આરોપીઓને પંજાબ રાજયમાંથી મોરબી ક્રાઇમ બ્રાંચે ઝડપી પાડયા છે.
મોરબીમાં શાર્પ કોર્પોરેશન નામની ઓફીસ ધરાવી કેમીકલ્સ તથા રો મટેરીયલ્સ અને ટાઇલ્સનો ટ્રેડીંગનો ધંધો કરતા ફરીયાદી સાગરભાઇ પ્રાણજીવનભાઇ ભાડજા, રહે.મોરબી વાળાએ તેઓના ઇ-મેઇલ એડ્રેસ ઉપર પેસીફીસાઇન નેચરલ નટ્સ નામની કંપનીથી ખરીદ કરવા અને વિદેશી કંપનીમાં વેચાણ કરી વધારી કમાણી કરવાની લલચામણી અને લોભામણી સ્કીમોના ઇ-મેઇલ કરી ફરીયાદી પાસેથી અલગ અલગ તારીખોએ જુદા જુદા બેન્ક એકાઉન્ટોમાં અલગ અલગ રકમ મળી કુલ રૂ.૨૯,૫૮,૬૨૫/- જેટલી રકમ ફરીયાદી પાસેથી પંજાબ રાજયના ચંદીગઢ ખાતે આવેલ શર્મા એન્ટરપ્રાઇઝ નામથી મંગાવી રકમ પડાવી લીધેલ જે બાબતે સરકારના NCCRP Portal માં સાયબર ક્રાઇમ અંગેની અરજી કરેલ જે આધારે મોરબી સીટી એ ડીવીઝન પોલીસ સ્ટેશન ખાતે એ પાર્ટ ઇ.પી.કો. કલમ ૪૦૬, ૪૨૦, ૧૧૪ મુજબ રજીસ્ટર થયેલ છે.
મોરબી જીલ્લા પોલીસની અલગ અલગ ટીમો બનાવી આ બાબતે ટેકનીકલ માધ્યમ મારફતે તથા બેંક એકાઉન્ટ ડીટેલ મેળવી બેંક એકાઉન્ટ સાથે લીંક મોબાઈલ નંબર તથા ઈ-મેઈલ આઈ.ડી બાબતે તપાસ કરતા શર્મા એન્ટરપ્રાઈઝ વિરુધ્ધ NCCRP Portal મા ઘણી બધી અરજીઓ પેન્ડીંગ હોય જેથી આ બાબતે મોરબી ટેકનીકલ તથા એલ.સી.બી., પેરોલ ફર્લો ની ટીમ બનાવી પોલીસ ઇન્સ્પેકટર વાંકાનેર સીટી પોલીસ સ્ટેશનનાઓ સાથે સદરહુ ગુન્હાની તપાસમા પંજાબ રાજ્યમા મોકલવામા આવેલ હતી.
મોરબી એલ.સી.બી.,ટેકનીકલ ટીમ દ્વારા પંજાબ લુધીયાણા ખાતે શર્મા એન્ટરપ્રાઈઝ નામની પેઢીની તથા બેંક એકાઉન્ટ નંબરો બાબતે તપાસ કરતા આ ગુન્હો શોધી કાઢવામા સફળતા મળેલ અને ગુન્હામા સંડોવાયેલ બે ઈસમો અમાનઉલ્લામીયા ઉર્ફે રામદેવ શર્મા અશગરઅલી અબ્દુલહક્ક અંસારી ઉ.વ.૨૫ રહે. લુધીયાણા ચંદીગઢ રોડ BCM સ્કુલ પાસે સેકટર નં.૩૨ એ મકાન નં. ૨૫૦૬ રાજય પંજાબ મુળ. રહે. વોર્ડ નં-૦૭ વીસા ગામ શ્રીપુરજબ્દીજિ. ઉસુનસરી નેપાળ તથા મહમદફીરદોશ ઉર્ફે રમેશકુમાર મહમદઇસ્માઇલ રાજ મહમદ શેખ ઉવ.૩૦ રહે. હાલ લુધીયાણા ચંદીગઢ રોડ BCM સ્કુલ પાસે સેકટર નં.૩૨ એ મકાન નં. ૨૫૦૬ રાજય પંજાબ મુળ, રહે. કિનારૂ થાણુ મનીયારી જી.મુજફ્ફરપુર બિહાર તથા હાઉસ નં-૧૧૬૩/૦૬ અર્જુનનગર રાધાક્રિષ્ના મંદિર પાસે સેકટર-૮ ગુડગાવ હરીયાણા વાળાનેપકડી પાડેલ અને પકડાયેલ બંને ઈસમો પાસેથી મોબાઇલ ફોન નંગ- કિં રૂ. ૪૫૦૦૦નો મુદ્દામાલ, તથા અલગ અલગ બેન્કોનુ સાહિત્ય હસ્તગત કરવામા આવેલ છે.
પકડાયેલ બંને ઈસમોની પુછ-પરછ કરતા આરોપીઓ પોતાની સાચી ઓળખ છુપાવવાના હેતુથી “ રામદેવ શર્મા ” તથા “રમેશ કુમાર ” ના ખોટાનામ ધારણ કરી પોતાના બનાવી આધારકાર્ડ, પાનકાર્ડ તથા ચૂંટણીકાર્ડ બનાવી તેમા પોતાનો જ ફોટો રાખી આ બનાવટી દસ્તાવેજ આધારે “ શર્મા એન્ટરપ્રાઇઝ ” નામની પેઢી ખોલી તેમજ મોબાઇલફોન સીમકાર્ડ તથા અલગ અલગ બેન્કોમાં એકાઉન્ટો ખોલાવી તેમાં નાણા જમા કરાવતા અને બેન્કમાં આ છેતરપીંડીથી જમા થયેલ રકમ વિડ્રોલ કરી તે રકમ રૂબરૂ તથા હવાલા મારફતે દિલ્લી મુકામે અનિતા વિજયકુમારને
મોકલી આપતા અને આ તમામ કામગીરી બન્ને આરોપીઓ ઓસાશ નામની નાઇઝીરીયન વ્યકિતના કહેવા મુજબ કરતા હોવાનું પ્રાથમીક પુછપરછમાં જણાય આવેલ છે.
આ કામે પકડાયેલ બન્ને આરોપીઓના નામ. કોર્ટથી દિન-૧૦ પોલીસ રીમાન્ડ મેળવી સમગ્ર રેકેટનો પર્દાફાસ કરવા આગળની તપાસ પોલીસ ચલાવી રહી છે
