મોરબી તાલુકાના રાજપર ગામે શ્રી રાજપર ગૌશાળા ચેરીટેબલ ટ્રસ્ટ દ્વારા નિરાધાર ગૌમાતાના સદકાર્યના લાભાર્થે ભવ્ય ધાર્મિક અને સાંસ્કૃતિક કાર્યક્રમનું આયોજન કરવામાં આવ્યું છે.
આ કાર્યક્રમ સંવત ૨૦૮૨ના ભાદરવા વદ અમાસ, શનિવાર તા. ૧૦ ઓક્ટોબર ૨૦૨૬ના રોજ રાત્રે ૯:૩૦ કલાકે રાજપર ગામ ખાતે યોજાશે. પ્રસંગે નકલંક ધામ-બગથળાના પ.પૂ. શ્રી દામજીભગત ઉપસ્થિત રહી આશીર્વચન પાઠવશે.
કાર્યક્રમમાં ઐતિહાસિક નાટક ‘જરાસંઘનો વધ’નું ભવ્ય મંચન કરવામાં આવશે. સાથે જ પ્રખ્યાત કલાકાર વિજુડી અને તેમની ટીમ દ્વારા હાસ્યરસથી ભરપૂર કોમિક રજૂ કરવામાં આવશે, જેથી ધાર્મિક વાતાવરણ સાથે મનોરંજનનો પણ સંગમ સર્જાશે.
આ સમગ્ર કાર્યક્રમનું યુટ્યુબના માધ્યમથી લાઈવ પ્રસારણ પણ કરવામાં આવશે. ગૌસેવાના આ પવિત્ર કાર્યમાં સહભાગી બની સદકાર્યમાં યોગદાન આપવા માટે શ્રી રાજપર ગૌશાળા ચેરીટેબલ ટ્રસ્ટ દ્વારા ગૌભક્તો, ધર્મપ્રેમીઓ અને દાતાઓને મોટી સંખ્યામાં ઉપસ્થિત રહેવા હાર્દિક આમંત્રણ પાઠવવામાં આવ્યું છે.
