માળીયા પોલીસે ૧૯ પાડાઓ કતલખાને પહોંચે એ પહેલાં બચાવી ખાખરેચી પાંજરાપોળમાં મોકલી આપ્યા
મોરબી કચ્છ હાઈવે પર આવેલા ઓનેસ્ટ ચેક પોસ્ટ પાસેથી પશુઓ ભરેલી મીની આઈસર ટેમ્પોમાં ૧૯ પાડાઓ કતલખાને પહોંચે એ પહેલાં જ પકડી પાડી માળીયા પોલીસે બચાવી લઈને એક શખ્સને દબોચી લીધો હતો જાણવા મળતી માહિતી મુજબ માળીયામિંયાણા પોલીસ સ્ટાફ ટાઉન વિસ્તારમાં પેટ્રોલીંગમાં હતા તે દરમ્યાન માળીયા ઓનેસ્ટ ચેક પોસ્ટ પાસે કચ્છ મોરબી હાઈવે ઉપર આવતા એક વાદળી કલરના મીની આઈસર ટ્રક રજીસ્ટર નંબર જીજે-૧૯- યુ-૧૯૩૨ વાળો ટ્રકના ઠાઠામા તાલપત્રી બાંધી નીકળતા ટ્રકને રોકી ટ્રકના ઠાઠામાં તાલપત્રી હટાવી ચેક કરતા ટ્રકના ઠાઠામા દયનીય હાલતમા પાડા નંગ ૧૯ ભરેલ હોય જે મીની આઈસર ઠાઠામા પાડાઓ દયનીય હાલતમા ટુંકા દોરડાથી ક્રુરતા પુર્વક બાંધી ટ્રકમા પાડાઓ માટે પાણી તેમજ ઘાસચારાની વ્યવસ્થા કર્યા વગર પાડાઓને ભૂખમરો અને વગર પાણીના કારણે પીડાઓ યાત્ના પહોયે તે રીતે ભરી નીકળેલ હોય જેથી આરોપી ઈમરાનભાઈ ઈકબાલભાઈ શેખ ઉ.વ.૪૨ રહે.અમદાવાદ ગ્યાસપુર રોડ બરફની ફેકટરી પાસે અસદઉશેદ ટેનામેન્ટ ઘર નં.૧૧ તા.જિલલો અમદાવાદ વાળાને કુલ રૂપિયા ૨,૪૭,૫૦૦ના મુદ્દામાલ સાથે ઝડપી તેના વિરુધ્ધ પ્રાણી પ્રત્યે ક્રુરતા અધીનીયમની ૧૯૬૦ની કલમ ૧૧(૧) (ડી), (ઈ), (એફ) (એચ) તથા જી.પી.એક્ટ કલમ ૧૧૯ મુજબનો ગુન્હો દાખલ કરી આગળની કાર્યવાહી હાથ ધરેલ છે
