સ્ટેટ મોનિટરીંગ સેલના એસપી નિર્લિપ્ત રાય ટીમ સાથે કોલસાના કાળા કારોબાર ઉપર ત્રાટક્યા ૩.૫૭ કરોડના મુદ્દામાલ સાથે ૧૨ શખ્સોને દબોચ્ચા
મોરબી જિલ્લામાં બે દિવસથી ગાંધીનગર સ્ટેટ મોનિટરીંગ સેલના ધામા ટંકારા કન્ફર્ટ હોટલમાં જુગારની તપાસે આવેલા SMC એસપી નિર્લિપ્ત રાયની ટીમ મોડીરાત્રે ગુંગણ ગામ પાસે આવેલ કોલસાના ગોડાઉનમાં દરોડો પાડી કરોડો રૂપિયાના કોલસા કૌભાંડનો પર્દાફાશ કરી ખળભળાટ મચાવી દીધો છે જેમાં SMC ટીમે પેટ કોક કોલસાની ચોરીનું કૌભાંડ ઝડપી પાડી કુલ ૩.૫૭ કરોડનો મુદ્દામાલ કબજે કરી ૧૨ આરોપીને પકડી પાડયા છે જ્યારે આઠને ફરાર જાહેર કરીને વોન્ટેડ બતાવીને SMC ટીમ દ્વારા મોરબી તાલુકા પોલીસ મથકમાં ગુનો નોંધાવવામાં આવ્યો છે મોરબી માળીયા હાઈવે પર ગુંગણ ગામ પાસે આવેલ કોલસાના ગોડાઉનમાં દરોડો પાડીને કંડલાથી રાજસ્થાન વાયા ગુંગણ ગોડાઉનમાં ભેળસેળીયો કોલસો ભરીને રાજસ્થાન ધાબડી દેતા હોવાની સાથે કોલસાના કાળા કારોબારમાં કાળા હાથ કરનારાને ઝડપી પાડી SMC ટીમે ૧૫૮૪ ટન પેટકોક કોલસો ૫૦૦ ટન વેસ્ટ કોલસો, ૨.૪૧ લાખ રોકડ ૧૭ મોબાઈલ ફોન, બે ટ્રેલર,૧ હિટાચી,૨ લોડર અને ૪ ફોર વ્હીલર સહિત કુલ ૩.૫૭ કરોડનો મુદ્દામાલ કબ્જે કર્યો છે જેમા ૧૨ જેટલા આરોપીને ઝડપી પાડવામાં આવ્યા છે જ્યારે ૮ આરોપીને વોન્ટેડ જાહેર કરાયા છે જેમાં મેનેજર ભાવેશ પ્રાણજીવન શેરસિયા રહે.સાનિધ્ય પાર્ક મોરબી ટ્રક ડ્રાઈવર જયદેવ કરશનભાઈ ડાંગર રહે.ગુલાબનગર જામનગર ટ્રક ડ્રાઈવર મયુરસિંહ સુખદેવસિંહ જાડેજા ગાયત્રી નગર,ધ્રોલ,જામનગર ગોડાઉન સુપર વાઇઝર સારંગ સુરેશભાઇ ગાંભવી રહે.ઓમ પેલેસ મોરબી કોલસો મિક્ષ કરવામાં મદદ કરનાર ભીખુ વનરાવનભાઈ ઠક્કર(રહે. અલિયાબાડા જામનગર જયદીપગીરી ભરતગિરિ ગોસ્વામી રહે.રણજીત સાગર રોડ જામનગર ગુડ્ડ કુમાર ભુધનરાય યાદવ રહે.પરસોનવા બિહાર રાહુલ બનારાસિરાય યાદવ સરાય છપરા,બીહાર સંજુ કિશનભાઇ નિનામા રહે.કલ્યાણ પર જામ્બુવા એમપી વિપુલ પાનસુભાઈ પરમાર રહે. આમલી ફળિયું,દાહોદ ગોડાઉન ઓનર દીપક પ્રભાતભાઈ આહીર રહે.ઉમિયા સર્કલ,મોરબી અને કિશોર નામના આરોપીઓની ધરપકડ કરાઈ છે જયારે વોન્ટેડ આરોપી ભગીરથ ચંદુલાલ હુંબલ રહે.મોરબ ચિરાગ દુદાણી રહે.મોરબી કુલદીપસિંહ સુરુભા ઝાલા રહે.રણછોડરાય જામનગર દિલીપભાઈ રહે.ગાંધીધામ વિવાન પટેલ રહે.મોરબી નિકુંજ પટેલ રહે.મોરબી ગુપ્તાજી રહે.ગાંધીધામ અને રોકી રહે.ગાંધીધામ નામના આરોપીઓની ઝડપવા ચક્રો ગતિમાન કર્યા છે અત્રે ઉલ્લેખનીય છેકે બે દિવસથી મોરબી જિલ્લામાં ધામા નાખી કરોડો રૂપિયાનો કોલસા કૌભાંડનો પર્દાફાશ કરતા ખળભળાટ મચી જવા પામ્યો છે અને જિલ્લાભરમાં ગેરકાયદેસર ગોરખધંધા કરનારામાં રીતસરનો ફફડાટ ફેલાઈ ગયો છે
