ડીસ્ટ્રીકટ ટોબેકો કંટ્રોલ સેલ મોરબી અને પ્રાથમિક આરોગ્ય કેન્દ્ર નેસડાના સયુંકત ઉપક્રમે ટંકારા ખાતે આવેલી શ્રી ગાયત્રીનગર તાલુકા સ્કુલમાં વ્યસન ની જાગૃતિ અર્થે નિબંધ સ્પર્ધાનું આયોજન કરવામાં આવેલ, જેમાં ધોરણ ૬ થી ૮ ના કુલ ૫૦ બાળકોએ ભાગ લીધેલ, અને પોતાની મૌલિકતાથી વ્યસન ની જાગૃતિ ઉપર નિબંધ લખેલ, સ્પર્ધામાં પ્રથમ નંબર પર પંડયા ટીંકલ કાલીચરણ,તથા દ્રિતીય ક્રમ પર પાંચોટિયા ભૂમિ વિમલભાઈ, તથા તૃતીય નંબર પર કુંઢીયા વિરાજ વિજયભાઈ મેળવ્યો હતો , વિજેતા થનાર વિદ્યાર્થીઓને ઇનામ આપવામાં આવેલ તથા સ્પર્ધામાં ભાગ લેનાર તમામ સ્પર્ધકને પ્રોત્સાહક ઇનામ આપવામાં આવેલ, ત્યારબાદ ડીસ્ટ્રીકટ ટોબેકો કંટ્રોલ સેલ મોરબીના સોશ્યલ વર્કર તેહાન શેરસીયા દ્વારા વિદ્યાર્થીઓને તમાકુના વ્યસન ની જાગૃતિ અંગે , વ્યસન ની શારીરિક અસરો, આર્થિક અસરો વગેરે બાબતો અંગે માર્ગદર્શન આપેલ, અને દરેક વિદ્યાર્થીઓને પોતે તમાકુ મુક્ત રહેવા અને પોતાના પરિવારને પણ વ્યસનમુક્ત રહેવા અનુરોધ કર્યો હતો, આ કાર્યક્રમમાં, ટંકારા તાલુકા હેલ્થ સુપરવાઈઝર હિતેષભાઈ પટેલ, તાલુકા હેલ્થ વિઝીટર ભાવનાબેન પટેલ, પી.એચ.સી. આર.બી.એસ.કે. ડો. વિશાલ તેરૈયા, ડો.ચિત્રાંગી પટેલ, પી.એચ.સી. સુપરવાઈઝ ગોસાઈભાઈ, સી.એચ.ઓ, એમ.પી.એચ.ડબ્લ્યુ, એફ.એચ.ડબ્લ્યુ પણ હાજર રહેલ, આ કાર્યક્રમને સફળ બનાવવા માટે શાળાના આચાર્ય રસિકભાઈ ભાગીયા અને તથા સ્ટાફ દ્વારા ભારે જહેમત ઉઠાવેલ.
