(અહેવાલ: મયંક દેવમુરારી)
મોરબી સાઈબર ક્રાઈમને મળી મોટી સફળતા ફ્રેન્ચાઈઝ આપવાના બહાને ફ્રોડ કરનાર આંતર રાજ્ય ગેંગનો મુખ્ય સુત્રધાર ઝડપાયો
મોરબી સાઈબર ક્રાઈમે જુદી જુદી વેબસાઈટ બનાવી લોકોને ખંખેરતા માસ્ટર માઇન્ડ ફ્રોડ કરનારને દબોચી લેતા લાખો રૂપિયાનો ભેદ ખુલશે
મોરબી સાઈબર ક્રાઈમને મળી મોટી સફળતા ફ્રેન્ચાઈઝ આપવાના બહાને દેશના જુદા જુદા રાજ્યોમાં ઓનલાઇન ફ્રોડ કરનાર આંતર રાજ્ય ગેંગનો મુખ્ય સુત્રધાર ઝડપાયો મોરબી સાઇબર ક્રાઇમની ટીમે વેબસાઈટમાં લોકોને ફસાવી લાખો રૂપિયા ખંખેરી લેનાર આરોપી રીતુ આનંદ પરમેશ્વર રહે.ઝારખંડ વાળો મોરબી સાઈબર ક્રાઈમની રડારમાં આવતા છત્તીસગઢ રાજ્યથી ઉપાડી લીધો હતો જેને પાસેથી લાખો રૂપિયાનો ભેદ ખુલે તેવી શક્યતા સેવાઈ રહી છે હાલ તો દેશના જુદા જુદા રાજ્યોમાં પ્રારંભીક તપાસમાં એક કરોડથી વધુનો ફ્રોડનો ભેદ ઉકેલાયો છે પરંતુ હજુ પણ માસ્ટર માઇન્ડ મુખ્ય સુત્રધાર પાસેથી દેશના કયા કયા રાજયમાં ૯૦ જેટલી વેબસાઈટ બનાવી નાગરીકો સાથે ઓનલાઇન ફ્રોડ કરેલ છે તે મોરબી સાઈબર ક્રાઈમની આગળની તપાસમાં ખુલશે અત્રે ઉલ્લેખનીય છેકે પોતાના ભાડાના મકાનમાં ઓનલાઇન ફ્રોડ નેટવર્ક ચલાવતા આરોપીને પકડી મોરબી સાઈબર ક્રાઈમ સેલના પીઆઈ કે.કે.દરબારની ટીમે પર્દાફાશ કરીને ટીમને મોટી સફળતા મળી છે
ફ્રેન્ચાઇઝ આપવાના બહાને સામાન્ય નાગરીકો સાથે ફ્રોડ કરનાર આંતર રાજ્ય ગેંગના મુખ્ય સુત્રધારને પકડી પાડતી મોરબી સાયબર ક્રાઈમ પોલીસ.
મોરબી જિલા પોલીસ અધીક્ષક રાહુલ ત્રીપાઠી તેમજ નાયબ પોલીસ અધિક્ષક પી.એ.ઝાલા તરફથી મોરબી જીલ્લામાં સાયબર ફ્રોડના બનાવો બનતા અટકાવવા તથા વણસોધાયેલા બનાવોનો ભેદ ઉકેલવા સુચના થયેલ. જે અન્વયે પો.ઇન્સ કે.કે.દરબાર તથા સાયબર ક્રાઇમ પોલીસ ટીમ દ્વારા ઓનલાઇન ફેક વેબસાઇટો તથા સોસીયલ મીડીયા પ્લેટફોર્મ્સ ઇન્સ્ટાગ્રામ તથા ફેસબુક પર ચાલતી જાહેરાતો પર નજર રાખવામાં આવી રહી હતી. તે દરમ્યાન મોરબી વાઘપરામાં રહેતા હીરેનભાઇ મહેન્દ્રભાઈ પુજારા દ્વારા સોસીયલ મીડીયામાં “TATA ZUDIO FRANCHISE” બાબતે સર્ચ કરતા ZUDIO TRENT LIMITED નામનુ પેઝ ઓપન થયે તેના પર તેઓએ પોતાની વિગતો ભરી સબમીટ કરેલ હતી. બાદમાં આરોપીઓ દ્વારા ફરીયાદીને ફોન દ્વારા સંપર્ક કરી, ઈ-મેલ આઈ.ડી. HELP@TATAZUDIOPARTNER.IN દ્વારા ફ્રેન્ચાઇઝ મેળવવા ફોર્મ મોકલવામાં આવેલ. જેમાં ટાટા ઝુડીયો કંપનીની ફ્રેન્ચાઇઝ માન્ય થયાનુ પ્રમાણ પત્ર આપી ડીપોઝીટ ના નામે વિવિધ બેન્ક એકાઉન્ટમાં રૂપીયા ડીપોઝીટ કરાવી કુલ રૂ. ૨૮,૦૩,૫૦૦/- નુ ઓનલાઇન ફ્રોડ કરેલ હતુ જે અંગે સાયબર ક્રાઇમ પોલીસ સ્ટેશનમાં ગુ.ર.નં. ૧૨/૨૦૨૪ બી.એન.એસ.એસ. કલમ ૩૧૬(૨),૩૧૮(૪), ૩૧૯(૨), ૬૧(૨) તથા આઇ.ટી. એક્ટ કલમ ૬૬(સી), ૬૬ (ડી) મુજબનો ગુન્હો નોંધવામાં આવેલ હતો.
આ બનાવમાં આરોપીઓ દ્વારા ઓરીજનલ TATA ZUDIO કંપની જેવી TATAZUDIOPARTNER.IN નામની વેબસાઇટ તથા ઇમેલ આઈ-ડી બનાવવામાં આવેલ હતુ. જે વેબસાઇટના પ્રમોશન માટે ફેસબુક – ઇન્સ્ટાગ્રામ તથા ગુગલ એડ્સમાં જાહેરાતો પ્રસીધ્ધ કરવામાં આવતી હતી. તે જાહેરાતો દ્વારા ફ્રેન્ચાઇઝ લેવા ઇચ્છુક વ્યક્તીઓ પાસેથી ફોર્મ સબમીટ કરાવી, વિવિધ પ્રકારની ડીપોઝીટના બહાને અલગ-અલગ બેન્ક ખાતાઓમાં રૂપીયા ટ્રાન્સફર કરાવી ઓનલાઇન ફ્રોડ આચરવામાં આવતુ હતુ. આ બનાવની તપાસમાં મોરબી સાયબર ક્રાઇમની ટીમ દ્વારા ફ્રોડમાં થયેલ વિવિધ બેંક ટ્રાંજેક્સનોને એનેલાઇઝ કરતા આરોપીઓ દ્વારા પ્રથમ જમ્મુ-કાશ્મીર રાજ્યમાં રૂપીયા જમા કરાવેલ અને ત્યારબાદ બીહાર રાજ્યમાં રૂપીયા ટ્રાન્સફર કરી એ.ટી.એમ. મશીનો દ્વારા રૂપીયા વીડ્રો કરવામાં આવેલ હતા. ઉપરોક્ત ટ્રાન્જેક્શનોને ટ્રેક કરી મોરબી સાયબર ક્રાઇમ પોલીસની એક ટીમ બીહાર રાજ્યમાં મોકલવામાં આવેલ હતી, પરંતુ મોરબી સાયબર ક્રાઈમની ટીમ બીહાર રાજ્યમાં આરોપીઓ સુધી પહોચે તે પહેલા આરોપીઓ અન્ય રાજ્યમાં ભાગી જવાથી મોરબી સાયબર ક્રાઇમની ટીમને સફળતા મળેલ ન હતી.
સદરહુ ગુન્હાના આરોપીઓ વિવિધ રાજ્યોમાં નેટવર્ક ધરાવતા હોય અને એક રાજ્યમાંથી બીજા રાજ્યોમાં સ્થળાંતર કરી પોલીસને પડકાર આપતા હોય. જેથી સદરહુ ગુન્હાનો ભેદ ઉકેલવા સાયબર ક્રાઇમ પોલીસ ઇન્સ્પેક્ટર કે.કે.દરબાર દ્વારા એક ટીમની રચના કરવામાં આવી. આ ટીમ દ્વારા ફરીથી અલગ-અલગ દિશામાં તપાસ શરૂ કરી હતી તે દરમ્યાન સાયબર ક્રાઈમ પોલીસ સ્ટેશનના પો.હેડ.કોન્સ. નિર્મળસિંહ રામસિંહ જાડેજા એ વિવિધ સાયબર ટેકનોલોઝીના ઉપયોગ દ્વારા ગુન્હામાં વપરાયેલ ઈ-મેલ આઈ.ડી, ડોમેઇન અને સોસીયલ મીડીયામાં પ્રસિધ્ધ થયેલ જાહેરાતો છત્તીસગઢ રાજ્યના ભીલાઇ શહેરથી સંચાલીત કરાતી હોવાનુ જણાયેલ. જે માહીતી આધારે પો.ઇન્સ. કે.કે.દરબાર તથા એ.એસ.આઇ. જયપાલસિંહ ઝાલા, હેડ.કોન્સ. નિર્મળસિંહ જાડેજા અને પો.કોન્સ. મનોજભાઈ લકુમ, છત્તીસગઢ રાજ્યમાં તપાસ અર્થે ગયેલ હતા.
પોલીસ ટીમ છત્તીસગઢ રાજ્યના ભીલાઇ શહેરમાં હકીકત વાળા વિસ્તારમાં પહોચી પરંતુ એક દિવસ સતત વોચમાં રહેવા છતા આરોપી હકીકત વાળા વિસ્તારમાં મળી આવેલ નહી. આરોપીની પોતાના મકાનમાં હાજરી છે કે કેમ તે જાણવુ મુશ્કેલ હતુ જેથી બીજા દિવસે તપાસ કરતા માલુમ પડયુ કે આરોપી એક લોન્ડ્રીમાં તેના કપડા ધોવડાવે છે જેથી પોલીસ દ્વારા વેશ પલટો કરી લોન્ડ્રી વાળા માણસો બની આરોપીના રહેણાંક મકાને જઇ લોન્ડ્રીના કપડા માંગતા આરોપી કપડા આપવા બહાર નિકળતા પોલીસ દ્વારા આરોપીને પકડી પાડવામાં આવેલ.
આરોપીનુ નામ અને વિગતો :-
TION નામ: રીતુઆનંદ પરમેશ્વર પ્રસાદ સીંધ. મુળ રહે. ઝારખંડ, હાલ: ભીલાઇ, છત્તીસગઢ. સદરહુ આરોપી આઇ.ટી. સેક્ટર, વેબ ડેવલોપીંગ, ડીઝીટલ માર્કેટીંગ, વેબસાઇટ ડીઝાઇનીંગ અને કંટેન્ટ માર્કેટીંગનો જાણકાર છે. આરોપી દ્વારા RIMOBIT.COM (Rimobit Infotech) નામની કંપની ચલાવી web and Digital services ના નામે પોતાના ભાળાના મકાનમાંથી ઓનલાઇન ફ્રોડનુ નેટવર્ક ચલાવતો હતો.
પ્રારંભીક તપાસમાં નીચે આ મૂજબ 55ના ગુન્હા ડીટેક્ટ થયેલ છે : –
૧- ગુજરાત રાજ્યના મોરબી સાયબર ક્રાઇમ પો.સ્ટે.ગુ.ર.નં. ૧૨/૨૪ -ફ્રોડની રકમ રૂ. ૨૮,૦૩,૫૦૦/-Z
૨- રાજ સ્થાન રાજ્યના ડુંગરપુર સાયબર ક્રાઇમ પો.સ્ટે.ગુ.ર.નં. ૨૦/૨૪ ફ્રોડની રકમ રૂ. ૩૩,૨૪,૫૦૦/-
૩- મહારાષ્ટ્ર રાજ્યના નવી મુંબઇ સાયબર ક્રાઇમ પો.સ્ટે.ગુ.ર.નં. ૦૨/૨૫ ફ્રોડની રકમ રૂ. ૫૪,૭૦,૦૦૦/-
MORE આમ પ્રારંભીક તપાસમાં પોલીસ દ્રારા કુલ રૂપીયા ૧,૧૫,૯૮,૦૦૦/- ના સાયબર ફ્રોડના ૩ ગુન્હાઓનો ભેદ ઉકેલવામાં આવેલ છે તથા આરોપી દ્રારા કુલ-૯૦ વેબસાઇટ બનાવી સામાન્ય નાગરીકોને વિવિધ ફ્રેન્ચાઇઝ આપવાના બહાને સબમીટ કરાવેલ હજારો ફોર્મની વિગતો મેળવી ભારત દેશના કયાં કયાં રાજ્યોમાં આરોપીઓ દ્રારા ફ્રોડ કરવામાં આવ્યુ છે, તે બાબતે આગળની તપાસ મોરબી સાયબર ક્રાઇમ પોલીસ ચલાવી રહી છે.
