ફેસબુક ઈન્સ્ટાગ્રામ ઉપર છરી બંદુક સાથે ફોટા મુકશો તો ખેર નથી હળવદમાં છરી સાથે ઈન્સ્ટાગ્રામ ઉપર ફોટો મુકવો બે યુવાનોને ભારે પડયો

September 28, 2025

હળવદ પોલીસ સ્ટેશન વિસ્તારમાં છરી સાથે ફોટો ઈન્સ્ટાગ્રામ ઉપર વાયરલ કરનાર ઈસમોની ઓળખ મેળવી આરોપી રવી મુનાભાઈ કાજીયા રહે,ગામ દિઘડીયા ગામ તા હળવદ જી મોરબી તથા રવી ઘનશ્યામભાઇ દેકાવાડીયા રહે ગામ દેવપુર (સુખપર) તા.હળવદ વાળા ને ઝડપી પાડી આરોપીઓ વિરુદ્ધ ગુન્હો નોંધી હળવદ પોલીસ દ્વારા આગળ કાર્યવાહી હાથ ધરવામાં આવી છે.
ઉલ્લેખનીય છે આજના ડિજીટલ ટેકનોલોજીના યુગમાં સોશ્યલ મીડીયા પ્લેટ ફોર્મ જેવા કે ફેસબુક, વોટસએપ, ઈન્સ્ટાગ્રામ કે ટવીટર વિગેરેમાં સામાજીક અશાતી ફેલાય કે કોઇ ગુનાહીત કૃત્ય બને તેવા કોઇ વિડીયો કે ફોટો અપલોડ ન કરવા પોલીસ દ્વારા જનતાને અપીલ કરવામાં આવે છે.