નવયુગ વિદ્યાલય – મોરબી
“સાયન્સ ફેર – 2026
તારીખ 20/02/26 ના રોજ નવયુગ વિદ્યાલય ખાતે “રાષ્ટ્રીય વિજ્ઞાન દિવસ” અનુલક્ષીને સાયન્સ ફેરનું ભવ્ય આયોજન કરવામાં આવ્યું. આ પ્રસંગે વિદ્યાર્થીઓએ વિવિધ વૈજ્ઞાનિક પ્રોજેક્ટ રજૂ કર્યા જેમાં ખાસ કરીને એક બાળ વૈજ્ઞાનિક દ્વારા તૈયાર કરાયેલ કારના રૂફટોપ પર સોલાર પેનલ લગાવી બનાવેલ “સોલાર કાર”નું કાર્યરત મોડેલ સૌનું મુખ્ય આકર્ષણ બન્યું હતું. આ મોડેલ દ્વારા ઇંધણ બચત અને પર્યાવરણ સંરક્ષણનો સંદેશ આપવામાં આવ્યો હતો.
તેમજ પ્રદૂષણ નિવારણ માટે વિદ્યાર્થીઓ દ્વારા તૈયાર કરાયેલ “પોલ્યુશન સોલ્યુશન” મોડેલ પણ વિશેષ આકર્ષણનું કેન્દ્ર બન્યું. આ પ્રોજેક્ટમાં હવામાં વધતા પ્રદૂષણને ઘટાડવા માટે નવીન ઉપાયો અને ટેક્નોલોજી આધારિત વિચાર રજૂ કરવામાં આવ્યો હતો, જેને નિહાળી સૌએ વિદ્યાર્થીની પ્રશંસા કરી હતી.
આ સાયન્સ ફેર માં નમ્રતા મેડમ (જિલ્લા પ્રાથમિક શિક્ષણ અધિકારી- મોરબી) અશોકભાઈ વડાલીયા (કેળવણી નિરીક્ષક – મોરબી)E.I. શ્રીમતી ધર્મિષ્ઠાબેન કડીવાર, શાળા સંચાલક મંડળના પ્રમુખ નિલેશભાઈ કુંડારિયા તથા નવયુગ ગ્રુપ ઓફ એજ્યુકેશનના પ્રમુખ પી.ડી. કાંજીયા ઉપસ્થિત રહ્યા હતા
આ સાયન્સ ફેરમાં ધોરણ 5 થી 9 ના વિદ્યાર્થીઓએ વર્તમાન સમયને અનુરૂપ નવા પ્રોજેક્ટ બનાવ્યા. વિદ્યાર્થીઓને માર્ગદર્શન આપવા માટે શિક્ષકોએ સતત મહેનત કરી અને વિદ્યાર્થીઓમાં ઉત્સાહમાં વધારો કર્યો. વિદ્યાર્થીઓની સાથે સાથે વાલીઓ પણ મોટી સંખ્યામાં હાજર રહ્યા હતા અને આ સાયન્સ ફેરની એક એક કૃતિ નિહાળી હતી અને વિદ્યાર્થીઓ એ કરેલી મહેનત ને વખાણી હતી .
આ કાર્યક્રમને સફળ બનાવવા મેનેજિંગ ટ્રસ્ટી બળદેવભાઈ સરસાવડીયા, નિલેશભાઈ અઘારા, પ્રિન્સિપાલ નરેન્દ્રભાઈ સંતોકી તેમજ તમામ શિક્ષકોએ ખૂબ જહેમત ઉઠાવી હતી.
