જિલ્લા પંચાયત પ્રમુખ હંસાબેન પારેધી, ધારાસભ્ય દુર્લભજીભાઈ દેથરિયા, જીતુભાઈ સોમાણી અને પ્રકાશભાઈ વરમોરાની ઉપસ્થિતી
મોરબી જિલ્લા ફરિયાદ સહ સંકલન સમિતિની બેઠક કલેક્ટર કે. બી. ઝવેરીના અધ્યક્ષસ્થાને યોજાઈ હતી.
આ તકે ધારાસભ્યઓ દ્વારા માર્ગ, વીજળી સહિતના પ્રશ્નો રજૂ કરાયા હતા. જેનું તાકીદે નિરાકરણ લાવવા સબંધિત અધિકારીઓને કલેકટરએ તાકીદ કરી હતી.
આ બેઠકમાં કલેકટર એ ઉપસ્થિત અધિકારીઓને તમામ સરકારી કચેરી – મકાનોનો રેકોર્ડ રજૂ કરવા, કચેરીઓમાં વિજળી બચાવવા, પ્રાકૃતિક કૃષિને મહત્વ આપવા, અધિકારીઓ – કર્મચારીઑએ કચેરીમાં આવતા અરજદારો સાથે સૌજન્યપૂર્ણ વ્યવહાર કરવા, કચેરીમાં નિયમિતતા જાળવવા જણાવ્યું હતું.
અધિક નિવાસી કલેકટર એસ. જે. ખાચરે ઉપસ્થિતોનું સ્વાગત અને બેઠકનું સંચાલન કર્યું હતું. આ બેઠકમાં મેડિકલ કોલેજ વિશે કચેરી ડિન નીરજકુમાર બીશ્વાસ વિશ્વાસદ્વારા પાવર પોઇન્ટ પ્રેઝન્ટેશન રજૂ કરાયું હતું.
