વડતાલ ખાતે યોજાયેલ રાજ્ય કારોબારીમાં મોરબી જિલ્લાના પ્રશ્નો રજૂ
મોરબી, રાષ્ટ્ર કે હિત શિક્ષા,શિક્ષા કે હિતમે શિક્ષક,શિક્ષક કે હિત મેં સમાજના ધ્યેય સૂત્ર સાથે કાર્યરત અખિલ ભારતીય રાષ્ટ્રીય શૈક્ષિક મહાસંઘ હંમેશા શિક્ષકોના પ્રશ્નો ઉકેલવા માટે તત્પર હોય છે,એ માટે દર ત્રણ મહિને રાજ્ય અને જિલ્લા કક્ષાએ કારોબારી બેઠક યોજવામાં આવે છે અને એમાં શાળા,બાળકો અને શિક્ષકોના પ્રશ્નો રજૂ કરવામાં આવે છે.અને સરકાર સમક્ષ ઉકેલવા માટે વાર્તાલાપ કરવામાં આવે છે.
1,વર્ષ:-2005 પછી ફરજ પર જોઈન્ટ થયેલા શિક્ષકોને જૂની પેંશન યોજના લાગુ કરવી.
2,HTAT મુખ્ય શિક્ષકમાં સિનિયર શિક્ષકોને બઢતીથી નિમણુંક સ્વૈચ્છીક કરવી.
3,ધો.6 થી 8 માં ફરજ બજાવતા શિક્ષકોને નિમ્ન પ્રાથમિક વિભાગમાં પરત જવા માટેની તક આપવી.
4, ઉચ્ચતર પ્રાથમિક શાળાના શિક્ષકોને અલગથી 4200 ગ્રેડ પે આપવો
5,એસ.એમ.સી.ને આપવામાં આવતા અનુદાનના ખર્ચ માટેની SNA સ્પર્શની જટીલ પ્રક્રિયામાંથી મુક્તિ આપવી SNA સ્પર્શમાં બિલ બનાવવા માટે સૌથી પહેલા તો સાયબર ટ્રેઝરી એપ્લિકેશન ઓપન કરવામાં જ પરસેવો પડી જાય એપ્લિકેશન ગોળ ગોળ ફર્યા કરે અડધી કલાકે ઓપન થાય ત્યારબાદ મેકર આઈડીમાં જે તે દુકાનદારને બેનીફિશિયરી બનાવવા માટે બેંકની વિગતો એકાઉન્ટ નંબર, આઈએફએસી કોડ, મોબાઈલ નંબર વગેરે વિગતો અપલોડ કરી વિગતો સેવ કરી ફરી પાછા મેકર આઈડીમાંથી પાર્ટી બેનીફિશિયરીને ફોરવર્ડ કરવા,ત્યારબાદ ચેકર આઈડી ખોલવા માટે બે ત્રણ વખત આઈડી પાસવર્ડ,કેપચા નાખીએ ત્યારે માંડ ચેકર આઈડી ખુલે,ખુલ્યા પછી એપૃવ આપવું વળી પાછું મેકર આઈડી ખોલવા માટે આઈડી પાસવર્ડ અને કેપચા બે ત્રણ વખત નાખીએ ત્યારે ખુલે એટલે મેકર આઈડીમાં સૌથી પહેલાં કેન્દ્રના હિસ્સાના બિલ જનરેટ કરવા એકાઉન્ટ, ગ્રાન્ટ હેડ, રકમ,પાર્ટીના બેંક એકાઉન્ટની વિગતો અપલોડ કરવી વિગતો સેવ કરવી,ત્યારબાદ બીજીવાર મેકર આઈડીમાંથી બિલ ચેકર આઇડીમાં બિલ ફોરવર્ડ કર્યા બાદ ચેકર આઈડીમાંથી બિલ એપૃવ કરવા ચેકર આઈડી ઓપન કરવું,ચેકર આઇડીમાંથી એપૃવ થયેલા બિલ મેકર આઈડીમાં ખોલી બિલની બે પેઈઝની ત્રણ ત્રણ કોપી કાઢવી એની ઉપર ત્રણ ત્રણ ફોરવર્ડિંગ કરવા,પાર્ટીના બીલની ત્રણ કોપી,ત્રણ ભાવની ત્રણ કોપી કાઢી જિલ્લા પ્રોજેક્ટ કચેરીમાં જે તે ઓ.આઈ.સી.ને આપવા ઓ.આઈ.સી. જિલ્લાના એકાઉન્ટ ઓફિસરને આપે એમની સહી થાય પછી બિલ ડીપીસી સહી સિક્કા કરે પછી બિલ ટ્રેઝરીમાં જાય એ મંજુર કરે પછી જે તે પાર્ટીના ખાતામાં જમા થાય,500/- રૂપિયાના બિલના કેન્દ્રના હિસ્સાનું રૂપિયા 300/- નું અને રાજ્યના હિસ્સાનું રૂપિયા 200/- નું બિલ જનરેટ થાય અર્થાત 500/- રૂપિયા મંજુર કરાવવા દશથી બાર પેઈઝ કાગળ કાઢવાના અને છેક 200 કિલોમીટર દૂરથી બાળકોના શિક્ષણના ભોગે આચાર્ય જિલ્લા પ્રોજેકટ કચેરીએ બિલ આપવા આવે બિલ આપ્યા બાદ ઉપરોક્ત અધિકારીની સહી થાય પછી પાર્ટીને રૂપિયા મળે જૂન માસમાં કરેલ ખર્ચના રૂપિયા હજુ સુધી પાર્ટીને મળેલ નથી જે તે પાર્ટી વારંવાર આચાર્ય પાસે રૂપિયાની ઉઘરાણી કરે છે ઘણાં કિસ્સામાં આચાર્યએ પોતાના પદરના રૂપિયા જે તે પાર્ટીને ચૂકવી દીધાં છે રૂપિયા પાર્ટીના ખાતામાં જમા થાય પછી પાર્ટી પરત આપે કે ન આપે એ યક્ષ પ્રશ્ન છે તો આ બાબતે ભારપૂર્વક રજુઆત કરવી બિલો ઓનલાઈન જ મંજુર કરવા.
6,વિદ્યાર્થીઓની શિષ્યવૃત્તિ દરખાસ્ત માટે હાલ ફરજીયાત બાળકનું આધારકાર્ડ હોય,અપડેટ હોય તો જ દરખાસ્ત બને છે પરિણામે આધારકાર્ડ ન ધરાવતા ઘણાં બાળકો શિષ્યવૃત્તિથી વંચિત રહે છે,વળી દરખાસ્ત બનાવવા વિદ્યાર્થીઓના મોબાઈલ નંબર અને મેલ આઈડી ફરજીયાત લખવા પડે છે,એક વાલીના ત્રણ સંતાન અભ્યાસ કરતા હોય તો માત્ર બે જ વિદ્યાર્થીમાં એક મોબાઈલ નંબર ઍક્સેપ્ટ કરે છે ત્રીજા વિદ્યાર્થી માટે બીજો નંબર અપલોડ કરવો પડે છે,શિષ્યવૃત્તિ અપૃવ માટે આચાર્યના KYC કરવું પડે છે,KYC માટે આચાર્યનું રેશનકાર્ડ અને આધારકાર્ડ અપલોડ કરવું વગેરે જટિલ પ્રક્રિયામાંથી મુક્તિ આપવી.
7,કેટલાક વ્યક્તિઓ દ્વારા એસએમસીને આપવામાં આવતી ગ્રાન્ટ બાબતે શિક્ષકોને જાણી જોઈને હેરાન પરેશાન કરવા દશ દશ વર્ષની માહિતી માંગી આર.ટી.આઈ. અધિનિયમનો દુરુપયોગ કરવામાં આવે છે.જેના પર રોક લગાવવામાં આવે.
8,વિદ્યા સહાયક ભરતી પહેલાં જિલ્લાફેર બદલી કેમ્પ કરવા બાબત.
9,જિલ્લા-તાલુકામાં બેનામી,આધાર પુરાવા વગરની અરજીઓ કરવામાં આવે છે,આવી બેનામી અરજીઓની તપાસ જિલ્લા પ્રાથમિક શિક્ષણાધિકારીઓ દ્વારા તપાસ આપવામાં આવે છે એવી તપાસ ન આપવા બાબત.
10,વેકેશન અને રજાના દિવસોમાં કરેલ વસ્તી ગણતરીની પ્રાપ્ત રજા, વળતર રજા અને મહેનતાણું સત્વરે મંજૂર કરવા બાબત.
11,પ્રાથમિક શાળાઓમાં શાળા સહાયક નિમણુંક કરવા બાબત
12,સીઆરસી/બીઆરસી કો.ઓર્ડિનરના C.R. ભરવા માટે CTS પોર્ટલમાં વ્યવસ્થા કરવા બાબત.
12,શાળાના હિસાબો લખવા માટે એકાઉન્ટ એજન્સીની નિમણુંક આપવી.
13,HTAT સિવાયની શાળામાં આચાર્ય તરીકે ફરજ બજાવતા સિનિયર શિક્ષકોને મહેકમમાં ન ગણવા.
14,પ્રાથમિક શાળાઓમાં વર્ષોથી શિક્ષક તરીકે ફરજ બજાવતા શિક્ષકોને TET પરીક્ષામાંથી મુક્તિ આપવી.
ઉપરોક્ત પ્રશ્નો ઉકેલવા માટે શૈક્ષિક મહાસંઘ મોરબી જિલ્લાના કાર્યકર્તાઓએ રજૂઆતો કરી હતી.
